දෙකකුත් උනා එහෙනං....

මොනව කරන්නද අවුරුදු දෙකකුත් උනා එහෙනං මගේ බ්ලොග් කට්ටට. මේ අවුරුදු දෙකට මේක ඇදගෙන යන්න සහයෝගය දුන්න අර කලින් පෝස්ට් බරගානට කොමෙන්ට් කරල තියෙන අයවලුන්ට ස්තුති කරන්න ඕන.

තව එකක් තමයි මේ ගමන තිබ්බ සයිබර් අවුරුදු උත්සවේට යන්න මටත් ඇහැක් උනානෙවෙ. ඉතිං ඒකට ගියාට  පස්සෙ මෙච්චර කාලයක් දෑහිං දැකල නැතිව කොම්පීටරයක් හරහා විතරක් දැනගන උන්න බොහො දෙනෙක් දෑහිං දැකගන්නත් කතා කරන්නත් හම්බඋනා.

යූත් සෙන්ටර් එකේ ගේට්ටුව ගාවදිම හම්බවෙච්ච සුමිත් අයිය අඳුරන්නෙ නැතුව වගේ ගියාට පස්සෙ ඇතුලෙදි මාර ෆිට් එකක් ඇතිකරගත්ත.  ඇතුලට ගියාට පස්සෙ ඉතිං බට්ට, සෑම, රජා, මඩිස්සලේ නිශානය, වෙනී අයිය, මාරය, අටම, නලින් අයිය, බනිය, සමිය, සුදු මහත්තය, ඇල්කෙමිය වගේ ‍සෙට් එකක් එක්කම කතාකරන්න හම්බඋනා. ඒ වගේම මම කතා නොකළත් සිහිනය, ඕනය වගේ අය උඹ අහවලා නේද කියල ළඟට ඇවිල්ල කතාකළා.

ගිය වෙලාවෙ ඉඳලම මාරය මාත් එක්ක වචන දහයක් කතා කරහං කියල දීපු චැලේන්ජ් එක කඩන්න වෙනී අයිය ෆුල් ට්‍රයි එකක් දුන්න. ඒ වගේම හැමදාම විස්කි බෝතලයක් ගැන අහන හින්ද අපේ ඇවිද්ද සුදීක අයිය දීපු පාටියත් ආයෙ කියල වැඩක් නෑ.  ඒ වගේම දැනගෙන නොහිටි ගොඩ දෙනෙක් අඳුරගන්නත් ඒ අවස්ථාව ප්‍රයෝජනවත් උනා.

බ්ලොග් එක ගැන කතා කරනවනං ඒක ගැන කතා නොකරන තරමට හොඳයි කියල හිතෙනව නේද පිංවතුනි. ඒක ලියන වේගෙ වැඩියි කියල කීප දෙනෙක්ම අදහස් දක්වල තිබුණ මීට කලින් පෝස්ට් වල. ඒ වගේම අපේ දේශකය ගරු මංත්‍රීතුමා ඒ ගැන පෝස්ට් එකක්ම නෙමෙයි දෙකක්ම දාල තිබුණ. මාරය සහ දේශකය ම‍ගේ බ්ලොග් එකේ පෝස්ට් මගඇරෙනවට බ්ලොග් රජු සහ කොන්ක්‍රීට් බලගය කියල වෙනම ලිංකු දෙකක් හිටං උන්දැලගෙ බ්ලොග් වල දාල තියෙනව මම දැක්ක.

දැං ඉතිං ස්තුති කතාව මදැයි.

ලැබුවාවූ අලුත් අවුරුද්ද කිරියෙන් පැණියෙන්......... වැරදුනා, බ්ලොග් පෝස්ට් වලින් කොහොම වෙතත් කොමෙන්ට් වලින්වත් උතුරණ අවුරුද්දක් වෙන්න කියල කට්ටිය ප්‍රාර්ථනා කරන්න බලන්න.

අලුතෙන් රසවත්ව බ්ලොග් ලියන චන්දන, සහන්, අකම, සරා, හැලපය, වගේ කට්ටිය ඉන්දැද්දි අපි ලියන්නෙ මොකටද? නැද්ද මං අහන්නෙ.

තව ගොඩ දෙනෙක්ගෙ නං මෙතන නෑ. ඒ අය අමනාප නොමවෙයි කියල සිතනවා.

                             කැමති දෙයක් වක්කරගන්න එකයි ඇත්තෙ.